Byrjunarliðið gegn Íran - Leikurinn sýndur beint á Stöð 2 Sport
Ólafur Jóhannesson, landsliðsþjálfari, hefur tilkynnt byrjunarlið sitt er mætir Íran í vináttulandsleik í dag kl. 14:30. Leikurinn verður í beinni útsendingu á Stöð 2 Sport og hefst útsending kl. 14:20. Leikið er á Azadi leikvangnum í Teheran.
Byrjunarliðið (4-5-1):
Markvörður: Árni Gautur Arason
Hægri bakvörður: Birkir Már Sævarsson
Vinstri bakvörður: Ari Freyr Skúlason
Miðverðir: Indriði Sigurðsson og Kristján Örn Sigurðsson
Tengiliðir: Helgi Valur Daníelsson, Jónas Guðni Sævarsson og Ólafur Ingi Skúlason
Hægri kantur: Steinþór Freyr Þorsteinsson
Vinstri kantur: Atli Guðnason
Framherji: Heiðar Helguson, fyrirliði
Þrír nýliðar eru í byrjunarliði Íslands, Ari Freyr Skúlason, Steinþór Freyr Þorsteinsson og Atli Guðnason.
Hópurinn æfði í gærkvöldi á Azadi vellinum og voru aðstæður þar frábærar. Eftir æfingu fór svo fram hin venjubundna spurningakeppni hópsins og fór svo að þjálfarar og liðsstjórn sigruðu keppnina en þetta er í fyrsta skiptið sem það hefur gerst síðan að Gunnleifur markvörður tók við stjórnartaumunum. Hlutu sigurvegararnir 13 stig, gamlir komu þar á eftir með 12 stig en ungir hlutu 10 stig.
.jpg?proc=760)
.jpg?proc=760)
