Stelpurnar æfa á keppnisvellinum í dag
Íslenska kvennalandsliðið æfir í dag á Stade de Gerland, heimavelli Lyon, en þar mætir liðið Frökkum á morgun í undankeppni fyrir HM 2011. Leikurinn hefst kl. 14:30 að íslenskum tíma og verður í beinni útsendingu hjá Ríkissjónvarpinu.
Fyrirfram er búist við að þessar tvær þjóðir berjist um efsta sæti riðilsins en íslenska liðið hefur unnið báða sína leiki til þessa í riðlinum og Frakkar hafa unnið sinn eina leik sem þeir hafa leikið.
Vel fer um hópinn í Frakklandi, aðstæður mjög góðar og veðrið með besta móti. Allir leikmenn verða á æfingunni í dag fyrir utan Söru Björk Gunnarsdóttur sem á við veikindi að stríða.
Eftir leikinn við Frakka heldur liðið svo til Norður Írlands þar sem leikið verður við heimastúlkur á miðvikudaginn. Norður Írar leika sinn fyrsta leik í riðlinum á morgun gegn Krótötum.
.jpg?proc=760)
.jpg?proc=760)
