Geysisterkur riðill Íslands á Algarve Cup
Íslenska kvennalandsliðið tekur sem fyrr þátt á Algarve Cup á næsta ári en mótið fer fram dagana 24. febrúar til 3. mars að þessu sinni. Þarna mæta til leiks mörg af sterkustu landsliðum í kvennaknattspyrnunni en búið er að skipta í riðla. Verkefnið er ærið hjá stelpunum okkar því Ísland leikur í B riðli með Bandaríkjunum, Svíþjóð og Noregi. Í A riðli leika svo Þýskaland, Finnland, Kína og Danmörk.
Bandaríkin eru skipa efsta sætið á styrkleikalista FIFA, Svíþjóð eru í því fjórða og Noregur í sjöunda sætinu. Ísland er svo í sautjánda sæti listans.
Eftir hefðbundna keppni í riðlum er svo leikið um sæti en neðsta liðið í hvorum riðli leikur gegn liði úr C riðli keppninnar en ekki er endanlega ljóst hvaða þjóðir munu skipa þann riðil.
