Hópurinn sem mætir Frökkum og Norður Írum
Sigurður Ragnar Eyjólfsson, landsliðsþjálfari kvenna, tilkynnti í dag landsliðshóp sinn er mætir Frökkum og Norður Írum í undankeppni HM 2011 og fara báðir leikirnir fram ytra. Leikið verður við Frakka laugardaginn 24. október í Lyon en leikurinn við Norður Íra fer fram í Belfast, miðvikudaginn 28. október.
Íslenska liðið hefur unnið báða leiki sína hingað til í keppninni og Frakkar hafa unnið sinn eina leik hingað til. Norður Írar hafa ekki leikið til þessa í keppninni en Ísland og Norður Írar hafa ekki mæst áður í A landsleik kvenna.
Það er mikil og hörð barátta um að komast í úrslitakeppni HM 2011 sem haldin verður í Þýskalandi að þessu sinni. Einungis efsta þjóð riðilsins kemst áfram og þarf hún þá að leika í umspili um sæti í keppninni.
