Íslenskir dómarar í eldlínunni á miðvikudaginn
Íslenskir dómarar verða á faraldsfæti í vikunni og eru þeir að störfum við tvö verkefni á erlendri grundu á miðvikudaginn. Kristinn Jakobsson dæmir leik Búlgaríu og Georgíu í undankeppni HM 2010 og Jóhannes Valgeirsson dæmir leik Hvíta Rússlands og Albaníu í undankeppni U21 karla.
Kristni til aðstoðar í Búlgaríu verða þeir Sigurður Óli Þorleifsson og Ólafur Ingvar Guðfinnsson og fjórði dómari verður Magnús Þórisson. Með Jóhannesi í Hvíta Rússlandi verða þeir Jóhann Gunnar Guðmundsson og Áskell Þór Gíslason. Fjórði dómari verður Erlendur Eiríksson.
