U19 karla mætir Norður Írum í dag - Byrjunarliðið tilbúið
Strákarnir í U19 mæta jafnöldrum sínum frá Norður Írlandi í dag en leikurinn er liður í undankeppni EM. Þetta er annar leikur liðsins í keppninni sem fer fram í Bosníu en strákarnir töpuðu gegn heimamönnum með einu marki gegn engu í fyrsta leiknum. Norður Írar og Búlgarir gerðu jafntefli í fyrstu umferðinni, 1 - 1. Leikurinn í dag hefst kl. 13:00 að íslenskum tíma.
Kristinn R. Jónsson hefur tilkynnt byrjunarlið sitt fyrir leikinn og gerir fjórar breytingar frá fyrsta leiknum.
Byrjunarliðið (4-5-1):
Markvörður: Arnar Darri Pétursson
Hægri bakvörður: Haukur Heiðar Hauksson
Vinstri bakvörður: Gísli Páll Helgason
Miðverðir: Stefán Ragnar Guðlaugsson og Brynjar Gauti Guðjónsson
Tengiliðir: Guðlaugur Victor Pálsson, Finnur Orri Margeirsson, fyrirliði og Andri Fannar Stefánsson
Hægri kantur: Guðmundur Magnússon
Vinstri kantur: Ólafur Karl Finsen
Framherji: Pape Mamadou Faye
