Frítt fyrir yngri iðkendur, öryrkja og ellilífeyrisþega á Ísland – Suður Afríka
KSÍ hefur ákveðið að bjóða yngri iðkendum aðildarfélaga sinna, ókeypis aðgang að vináttulandsleik Íslands og Suður Afríku sem fram fer á Laugardalsvelli 13. október kl. 18:10.
Jafnframt er öryrkjum og ellilífeyrisþegum boðinn ókeypis aðgangur að leiknum.
Aðildarfélög KSÍ sem vilja koma með hópa yngri iðkenda sinna (3. flokkur og yngri) á leikinn er bent á að senda póst á Þóri Hákonarson, thorir@ksi.is. Tilgreina þarf félag, fjölda iðkenda og tengilið/forráðamann. Gert er ráð fyrir að hóparnir komi í fylgd með forráðamönnum sem að sjálfsögðu fá líka frímiða. Miðar verða afhentir forráðamönnum á Laugardalsvelli í þessari viku og mánudaginn 12. október.
Aðgöngumiðar fyrir öryrkja og ellilífeyrisþega verða afhentir á skrifstofu KSÍ frá miðvikudeginum 7. október til og með mánudagsins 12. október, gegn framvísun viðeigandi skírteina.
KSÍ vill hvetja fólk til að nýta tækifærið, koma á Laugardalsvöll og styðja við bakið á strákunum okkar í þessum vináttulandsleik.
Miðasala á leikinn er í gangi í gegnum miðasölukerfi hjá midi.is.
.jpg?proc=760)
.jpg?proc=760)
