Hópurinn valinn hjá U21 karla fyrir tvo leiki
Eyjólfur Sverrisson, landsliðsþjálfari U21 karla, hefur valið hóp sinn er mætir Norður Írlandi og San Marínó í undankeppni EM og fara báðir leikirnir fram hér á landi. San Marínó verða mótherjarnir á Akranesvelli, föstudaginn 9. október og Norður Írar mæta til leiks á Grindavíkurvöll, þriðjudaginn 13. október. Báðir leikirnir hefjast kl. 15:00.
Eyjólfur velur að þessu sinni 20 leikmenn í hópinn en þeir Rúrik Gíslason og Aron Einar Gunnarsson munu einungis leika fyrri leikinn þar sem þeir eru í A landsliðinu sem mætir Suður Afríku 13. október.
Tveir leikmenn eru í hópnum sem hafa ekki leikið áður fyrir U21karla, þeir Kristinn Steindórsson úr Breiðabliki og Jóhann Laxdal úr Stjörnunni.
