Byrjunarlið Íslands gegn Sviss hjá U19 kvenna
Stelpurnar í U19 kvenna mæta Sviss í kvöld í undankeppni EM U19 kvenna en leikið er í Portúgal. Þetta er annar leikur liðsins í riðlinum en sigur vannst á heimastúlkum í fyrsta leik með tveimur mörkum gegn engu.
Búast má við hörkuleik í kvöld því þær svissnesku lögðu stöllur sínar frá Rúmeníu í fyrsta leik með fimm mörkum gegn engu. Leikurinn hefst kl. 15:00 að íslenskum tíma en hægt er að fylgjast með textalýsingu frá leiknum á heimasíðu UEFA, www.uefa.com.
Tvær efstu þjóðir riðlisins komast áfram í milliriðla en síðasti leikur Íslands verður gegn Rúmeníu næstkomandi fimmtudag.
Byrjunarlið Íslands:
Markvörður: Birna Berg Haraldsdóttir
Aðrir leikmenn: Andrea Ýr Gústavsdóttir, Silvía Rán Sigurðardóttir fyrirliði, Arna Ómarsdóttir, Berglind Björg Þorvaldsdóttir, Dagný Brynjarsdóttir, Arna Sif Ásgrímsdóttir, Katrín Ásbjörnsdóttir, Kristín Erna Sigurlásdóttir, Sigrún Inga Ólafsdóttir og Þórhildur Stefánsdóttir.
.jpg?proc=760)
.jpg?proc=760)
