Ísland - Eistland fimmtudaginn 17. september kl. 20:00
Það styttist í að Ísland og Eistland mætist á Laugardalsvellinum í undankeppni fyrir HM 2011. Flautað verður til leiks á morgun, fimmtudaginn 17. september, kl. 20:00 og vonumst við eftir þér á völlinn til þess að styðja við bakið á stelpunum.
Miðaverði er stillt í hóf, 1.000 krónur kostar fyrir fullorðna en frítt er inn fyrir 16 ára og yngri og er miðasala í fullum gangi í gegnum miðasölukerfi hjá midi.is.
Það er erfið undankeppni framundan hjá stelpunum og hvert stig skiptir máli. Bláir áhorfendur, frá toppi til táar, geta skipt öllu máli á Laugardalsvellinum.
VIð sjáumst blá á vellinum!
ÁFRAM ÍSLAND!
