Silvía Rán Sigurðardóttir inn í A landsliðshópinn
Sigurður Ragnar Eyjólfsson, landsliðsþjálfari, hefur gert breytingu á hóp sínum fyrir leikinn gegn Eistlandi í undankeppni HM 2011. Silvía Rán Sigurðardóttir úr Þór kemur inn í hópinn í fyrir Guðrúnu Sóley Gunnarsdóttur sem er meidd.
Silvía Rán er nýliði í hópnum en hún heldur svo á föstudagsmorgun til Portúgals þar sem hún leikur með U19 kvenna þar í undankeppni EM. Þetta er önnur breytingin sem Sigurður Ragnar gerir á upphaflegum hópi en áður hafði annar nýliði, Kristín Ýr Bjarnadóttir úr Val, komið inn í hópinn í stað Dóru Stefánsdóttur.
Leikurinn við Eistland fer fram á Laugardalsvelli kl. 20:00, fimmtudaginn 17. september og er miðasala í fullum gangi.
.jpg?proc=760)
.jpg?proc=760)
