Englendingar komnir í úrslitaleikinn
Englendingar munu leika til úrslita á EM kvennalandsliða gegn annað hvort Þjóðverjum eða Norðmönnum. England lagði Holland 2-1 í undanúrslitum á sunnudag og kom sigurmark leiksins seint í framlengingunni.
Eftir markalausan fyrri hálfleik skoruðu liðin sitt hvort markið þegar um klukkutími var liðinn af leiknum og eins og segir hér að ofan kom sigurmark leiksins þegar vel var liðið á framlenginguna.
Seinni undanúrslitaleikurinn fer fram í dag, mánudag, og þar mætast sem fyrr segir Þjóðverjar og Norðmenn.
