Frítt fyrir yngri iðkendur, öryrkja og ellilífeyrisþega á Ísland - Georgía
KSÍ hefur ákveðið að bjóða yngri iðkendum aðildarfélaga sinna, ókeypis aðgang að vináttulandsleik Íslands og Georgíu sem fram fer á Laugardalsvelli 9. september næstkomandi kl. 19:30.
Jafnframt er öryrkjum og ellilífeyrisþegum boðinn ókeypis aðgangur að leiknum.
Aðildarfélög KSÍ sem vilja koma með hópa yngri iðkenda sinna á leikinn er bent á að hafa samband við skrifstofu KSÍ. Tilgreina þarf félag, fjölda iðkenda og tengilið/forráðamann. Vinsamlegast sendið tölvupóst á thorir@ksi.is með viðeigandi upplýsingum. Gert er ráð fyrir að hóparnir komi í fylgd með forráðamönnum sem að sjálfsögðu fá líka frímiða. Miðar verða afhentir forráðamönnum á Laugardalsvelli mánudaginn 7. september og þriðjudaginn 8. september. Aðgöngumiðar fyrir öryrkja og ellilífeyrisþega verða afhentir á skrifstofu KSÍ mánudaginn 7. september og þriðjudaginn 8. september gegn framvísun viðeigandi skírteina.
KSÍ vill hvetja fólk til að nýta tækifærið, koma á Laugardalsvöll og styðja við bakið á strákunum okkar í þessum vináttulandsleik.
.jpg?proc=760)
.jpg?proc=760)
