Byrjunarliðið gegn Noregi - Leikurinn hefst kl. 18:45
Ólafur Jóhannesson, landsliðsþjálfari, hefur tilkynnt byrjunarlið sitt er mætir Norðmönnum kl. 18:45 á Laugardalsvellinum. Enn eru til miðar á leikinn en miðasala fer fram á Laugardalsvellinum. Völlurinn sjálfur opnar kl. 17:30. Áhorfendur eru hvattir til þess mæta tímanlega á völlinn til þess að forðast örtröð skömmu fyrir leik.
Ólafur virðist stilla upp nokkru sókndjörfu liði gegn Norðmönnum, sókndjarfir kantmenn í Emil og Rúrik, Heiðar Helguson fremstur og Eiður Smári þar fyrir aftan.
En byrjunarliðið er þannig skipað:
Markvörður: Gunnleifur Gunnleifsson
Hægri bakvörður: Grétar Rafn Steinsson
Vinstri bakvörður: Indriði Sigurðsson
Miðverðir: Sölvi Geir Ottesen og Kristján Örn Sigurðsson
Tengiliðir: Brynjar Björn Gunnarsson, fyrirliði og Aron Einar Gunnarsson
Hægri kantur: Rúrik Gíslason
Vinstri kantur: Emil Hallfreðsson
Sóknartengiliður: Eiður Smári Guðjohnsen
Framherji: Heiðar Helguson
