Von á um 1000 Norðmönnum á leikinn
Von er á um 1000 Norðmönnum á landsleik Íslands og Noregs á Laugardalsvellinum á laugardaginn. Búist má við mikilli stemningu hjá rauðklæddum Norðmönnum og er ljóst að ærið verkefni bíður íslenskra áhorfenda líkt og leikmanna.
Stuðningsveitin Tólfan mun, líkt og áður, koma sér fyrir í I hólfi og lætur vel í sér heyra. Það eru allir í Tólfunni og eru áhorfendur hvattir til þess að taka vel undir og láta vel í sér heyra.
Miðasala á leikinn er nú í fullum gangi í gegnum miðasölukerfi á midi.is. Ef ekki verður uppselt, hefst svo sala á miðum á Laugardalsvelli kl. 12:00 á leikdegi en leikurinn sjálfur hefst kl. 18:45. Hleypt verður inn á völlinn kl. 17:30.
Áhorfendur eru hvattir til þess að kaupa sér miða í tíma og ekki síður, að mæta tímanlega á völlinn á laugardaginn því að oft myndast biðraðir stuttu fyrir leikinn.
Mætum í bláu - Áfram Ísland
.jpg?proc=760)
.jpg?proc=760)
