Nýr samstarfssamningur KSÍ og Icelandair undirritaður
Knattspyrnusamband Íslands og Icelandair undirrituðu í dag samkomulag um áframhaldandi samstarf til næstu fjögurra ára (2010-2013). Í samningnum felst stuðningur Icelandair við starfsemi KSÍ á öllum sviðum og nær samningurinn m.a. til allra landsliða Íslands af báðum kynjum. Jafnframt felst í samningnum að landslið Íslands munu á þessu tímabili ferðast með Icelandair.
KSÍ og Icelandair hafa átt í farsælu samstarfi í áratugi og styrkir þetta samkomulag tengslin enn frekar. Icelandair hefur verið í lykilhlutverki sem einn af aðalsamstarfsaðilum KSÍ síðustu fjögur árin og með samkomulaginu sem undirritað var í dag er ljóst að Icelandair verður áfram Alltaf í boltanum með KSÍ.
KSÍ vinnur nú að endurnýjun á samstarfssamningum sínum fyrir tímabilið 2010-2013 og er þessi samningur mikilvægur fyrsti áfangi í því ferli.
.jpg?proc=760)
.jpg?proc=760)
