Stelpurnar héldu utan í morgun
Eldsnemma í morgun hélt landsliðshópurinn til Finnlands en fyrsti leikur íslenska liðsins verður á mánudaginn gegn Frökkum. Leikmennirnir eru 22 og þar fyrir utan eru 14 manns, sem koma að liðinu á einn eða annan hátt, sem einnig fóru nú í morgun.
Töluvert af Íslendingum er einnig að hugsa sér til hreyfings til þess að styðja stelpurnar úti í Finnlandi og er bæði um að ræða hópa sem fara héðan og eins Íslendinga sem búsettir eru á Norðurlöndunum.
Mótið hefst á sunnudaginn en fyrsti leikur Íslands verður á mánudaginn og hefst kl. 17:00 að íslenskum tíma. Leikurinn verður að sjálfsögðu í beinni útsendingu hjá Ríkissjónvarpinu en þar verður myndarleg umfjöllun í kringum þessa úrslitakeppni.
