Byrjunarliðið gegn Serbum á laugardag
Sigurður Ragnar Eyjólfsson, þjálfari A-landsliðs kvenna, hefur tilkynnt byrjunarlið Íslands fyrir leikinn gegn Serbíu í undankeppni HM 2010. Leikurinn fer fram á Laugardalsvelli á laugardag og hefst kl. 14:00. Fólk er hvatt til að mæta á völlinn og kveðja stelpurnar okkar með stæl áður en þær halda til Finnlands til að leika í úrslitakeppni EM. Hægt er að skoða allt um úrslitakeppnina með því að smella á hnappinn hér til hægri á síðunni og fara þannig á sérvefinn emstelpurnar.is.
Íslenska liðið mun vafalaust sækja til sigurs gegn Serbum og það verður að segjast eins og er að uppstillingin er ekki árennileg. Leikkerfið er 4-3-3.
Markvörður
- Þóra B. Helgadóttir
Varnarmenn
- Erna B. Sigurðardóttir
- Ólína G. Viðarsdóttir
- Guðrún Sóley Gunnarsdóttir
- Katrín Jónsdóttir, fyrirliði
Tengiliðir
- Edda Garðarsdóttir
- Dóra Stefánsdóttir
- Sara Björk Gunnarsdóttir
Framherjar
- Dóra María Lárusdóttir
- Hólmfríður Magnúsdóttir
- Margrét Lára Viðarsdóttir
Svona leggur þjálfarinn þetta upp
Þóra í markinu. Ólína í vinstri bakverði og Erna í þeim hægri, Guðrun og Katrín miðverðir. Edda og Dóra halda miðjunni á meðan Sara verður aðeins fyrir framan og setur pressu á varnarmenn Serbanna, ásamt Margréti Láru, sem er fremst, og kantmönnunum Hólmfríði vinstra megin og Dóru Maríu hægra megin.
