Ólafur hefur tilkynnt byrjunarliðið gegn Slóvökum
Ólafur Jóhannesson, þjálfari A-landsliðs karla, hefur tilkynnt byrjunarliðið fyrir vináttulandsleikinn gegn Slóvakíu á Laugardalsvelli í kvöld. Leikurinn hefst kl. 19:00 og er miðasala í fullum gangi á midi.is og á Laugardalsvelli.
Liðið mun væntanlega leika 4-5-1 leikkerfi og verður Eiður Smári Guðjohnsen þá fyrir aftan fremsta mann, sem er Heiðar Helguson. Á köntunum verða Pálmi Rafn Pálmason og Emil Hallfreðsson, inni á miðjunni þeir Ólafur Ingi Stígsson, sem leikur sinn fyrsta landsleik síðan Ísland og Slóvakía mættust í febrúar í fyrra, og Brynjar Björn Gunnarsson, sem tekur við fyrirliðabandinu í Fjarveru Hermanns Hreiðarssonar. Grétar Rafn Steinsson og Indriði Sigurðsson verða bakverðir og í miðverðinum standa vaktina Sölvi Geir Ottesen Jónsson og Kristján Örn Sigurðsson. Í markinu stendur svo Gunnleifur Gunnleifsson.
.jpg?proc=760)
.jpg?proc=760)
