Ásta Árna sýnir heljarstökks-innköstin sín á uefa.com
Ásta Árnadóttir, leikmaður íslenska kvennalandsliðsins og ein af EM stelpunum okkar, er kynnt sérstaklega á Training Ground kennsluvefnum hjá uefa.com. Um er að ræða kennsluefni og er Ásta að sýna hvernig hún tekur hin frægu heljarstökks-innköst sín.
Heljarstökks-innköstin hafa vakið mikla athygli hér á landi og hafa nú einnig náð athygli evrópskrar knattspyrnu. Training Ground er sérstakur hluti vefs UEFA þar sem hinar ýmsu knattspyrnuhetjur sýna tækniæfingar á ýmsum sviðum knattspyrnunnar.
