Mín skoðun komin í loftið
Fjölmiðlamaðurinn góðkunni, Valtýr Björn Valtýsson, hefur farið af stað að nýju með íþróttaþáttinn sinn "Mín Skoðun". Þátturinn er á dagskrá á útvarpsstöðinni Xið 977 og er á dagskrá á milli 8 og 10 á morgnana, alla virka daga.
Valtýr kemur að flestu því er viðkemur íþróttum í þessum þáttum en eðlilega er knattspyrnan ofarlega á baugi hjá honum þessi misserin. Þannig mun hann gefa íslenska kvennalandsliðinu sérstakan gaum enda styttist óðum í úrslitakeppni EM kvenna í Finnlandi.
