Miðasala hafin á vináttulandsleik Íslands og Slóvakíu
Opnað hefur verið fyrir miðasölu á vináttulandsleik Íslands og Slóvakíu en hann fer fram á Laugardalsvellinum, miðvikudaginn 12. ágúst kl. 19:00. Þetta er síðasti undirbúningsleikur liðsins fyrir leikinn gegn Noregi en þar lýkur íslenska liðið þátttöku sinni í riðlakeppni fyrir HM 2010.
Landsliðshópur Íslands í þessum leik verður kynntur til sögunnar strax eftir fríhelgi verslunarmanna.
Slóvakar hafa mikla knattspyrnuhefð og sitja núna í 43. sæti styrkleikalista FIFA. Liðinu hefur gengið frábærlega í undankeppni HM 2010 og sitja í efsta sæti 3. riðils en þar etja þeir m.a. kappi við Pólverja, Norður Íra og nágranna sína í Tékklandi.
Það má því búast við hörkuleik hér á iðagrænum Laugardalsvellinum, miðvikudaginn 12. ágúst og eru landsmenn hvattir til þess að fjölmenna og styðja við bakið á strákunum.
Verð (í forsölu til og með 12. ágúst)
- Rautt Svæði, 3.000 kr (2.500 í forsölu)
- Blátt Svæði, 2.500 kr (2.000 í forsölu)
- Grænt Svæði, 1.500 kr (1.000 í forsölu)
.jpg?proc=760)
.jpg?proc=760)
