Í eftirliti í Evrópu
Á næstu dögum verða íslenskir eftirlitsmenn og dómaraeftirlitsmenn að störfum víðsvegar í Evrópu en þá verður leikið í Meistaradeild Evrópu og í Evrópudeild UEFA. Guðmundur Pétursson verður eftirlitsmaður UEFA í Moldavíu á morgun á leik FC Sheriff og Slavia Prag í Meistaradeild Evrópu.
Þá verða þeir Ingi Jónsson og Sigurður Hannesson dómaraeftirlitsmenn á fimmtudaginn á leikjum í Evrópudeild UEFA. Ingi verður í Serbíu á leik Sevojno og Lille frá Frakklandi. Sigurður verður hinsvegar í Litháen á leik FK Vetra og Fulham. Þann 6. ágúst næstkomandi verður svo Eyjólfur Ólafson dómaraeftirlitsmaður í Danmörku á leik OB og Rabotnicki frá Makedóníu.
