Tveir sigrar á Færeyingum
Í gær fóru fram tveir vináttulandsleikir hjá U17 og U19 kvenna og voru Færeyingar mótherjarnir í bæði skiptin. Íslensku liðin fóru með sigur af hómi í báðum leikjunum sem leiknir voru í Þorlákshöfn og í Hveragerði.
Í Þorlákshöfn léku U17 kvenna og fékk íslenska liðið þar óskabyrjun því þær skoruðu tvö mörk á fyrstu þremur mínútum leiksins. Eftir það var ekki aftur snúið og lauk leiknum með 7-0 sigri Íslands.
Í Hveragerði léku U19 kvennalandslið þjóðanna og þar sigruðu Íslendingar, 5 - 1, eftir að staðan í leikhléi hafði verið 3 - 0.
Leikið var í góðu veðri við frábærar aðstæður á þessum völlum. Þjóðirnar mætast aftur á morgun, mánudaginn 20. júlí. Þá leika á Hvolsvelli liðin í U17kvenna en U19 kvenna leika í Þorlákshöfn. Báðir leikirnir hefjast kl. 17:00.
.jpg?proc=760)
.jpg?proc=760)
