U19 kvenna mætir Svíum á morgun
Stelpurnar í U19 kvenna leika sinn annan leik á morgun í úrslitakeppni EM U19 kvenna sem fer fram í Hvíta Rússlandi. Mótherjarnir eru Svíar og hefst leikurinn kl. 12:30 að íslenskum tíma. Ólafur Þór Guðbjörnsson, landsliðsþjálfari, hefur tilkynnt byrjunarliðið sem hefur leikinn á morgun.
Byrjunarliðið (4-1-4-1):
Markvörður: Birna Berg Haraldsdóttir
Hægri bakvörður: Berglind Bjarnadóttir
Vinstri bakvörður: Thelma Björk Einarsdóttir
Miðverðir: Mist Edvardsdóttir og Silvía Rán Sigurðardóttir
Varnartengiliður: Arna Sif Ásgrímsdóttir
Tengiliðir: Elínborg Ingvarsdóttir og Anna Þórunn Guðmundsdóttir
Hægri kantur: Fanndís Friðriksdóttir, fyrirliði
Vinstri kantur: Berglind Björg Þorvaldsdóttir
Framherji: Dagný Brynjarsdóttir
Sömu leikmenn hefja leikinn og gegn Norðmönnum en þær Fanndís og Dagný hafa skipt um stöðu á vellinum.
Fyrsta leik liðsins gegn Norðmönnum lauk með markalausu jafntefli á meðan Svíar töpuðu fyrir Englendingum, 0 - 3. Þau mörk voru þau fyrst sem að Svíar fengu á sig í allri keppninni, fóru þ.e.a.s. í gegnum forkeppni og milliriðla án þess að fá á sig mark. Þjóðirnar mættust í milliriðlunum sem fóru fram í Póllandi og lauk leiknum þá með markalausu jafntefli. Það verður spennandi að fylgjast með stelpunum á morgun en textalýsing verður hér á síðunni á meðan á leik stendur.
