Hljómsveitin Hjaltalín heldur þrenna tónleika í tengslum við EM kvenna 2009
Eins og kunnugt er leikur A-landslið kvenna í úrslitakeppni EM sem fram fer í Finnlandi í lok ágúst og byrjun september. Sendiráð Íslands í Finnlandi mun taka þátt í sérstöku upplýsingatorgi í Hesperia Park í Helsinki fyrir þátttökuþjóðirnar, þar sem hver þjóð verður kynnt með ýmsum hætti. Það verður skemmtileg dagskrá í garðinum og einnig söluvagnar með ýmsan varning og eitthvað matarkyns.
Búist er við fleiri þúsundum gesta - ferðamönnum, skólafólki og fótboltaáhugafólki. Einnig verða ýmsar aðrar uppákomur á sama tíma og má þá nefna alþjóðlega hundasýningu og City Cooper-hlaup sem mun draga marga að.
Á íslenska básnum verður m.a. dreift ýmsu kynningarefni um íslenska knattspyrnu, íslenskt sælgæti verður í boði, plaköt, fánar, smá gjafir og margt fleira.
Að frumkvæði sendiráðs Íslands í Helsinki mun hljómsveitin Hjaltalín svo halda þrenna tónleika, í Helsinki, Lahti og Tampere, í kringum leiki íslenska liðsins.
23. ágúst - Tampere, Klubi - http://www.tiketti.fi/tapahtuma/5387
25. ágúst - Lahti, Torvi - http://meteli.net/tapahtuma/144390
28. ágúst - Helsinki, Liberte - http://meteli.net/tapahtuma/144391
.jpg?proc=760)
.jpg?proc=760)
