Siggi Raggi í heimsókn í Grindavík
Sigurður Ragnar Eyjólfsson, þjálfari A landsliðs kvenna, mætti á æfingu hjá 5. flokki karla og 6. flokki karla og kvenna í Grindavík á dögunum, ásamt tveimur leikmönnum landsliðsins, þeim Söru Björk Gunnarsdóttir og Fanndísi Friðriksdóttir.
Krakkarnir tóku vel á móti gestunum og léku Sara Björk og Fanndís með stúlknaflokknum ásamt því að þær gáfu krökkunum mynd af landsliðinu sem þær árituðu. Sigurður Ragnar fór að lokinni æfingu í grunnskólann þar sem hann hélt fyrirlestur fyrir 2. og 3. flokk kvenna.
.jpg?proc=760)
