Tveir nýir starfsmenn KSÍ
KSÍ hefur ráðið til starfa tvo nýja starfsmenn í sérstök átaksverkefni og er um tímabundnar ráðningar að ræða. Annars vegar er um verkefni í mótadeild að ræða sem snýr að skráningu á leikskýrslum, en hins vegar um útbreiðsluverkefni.
Halldór Örn Kristjánsson mun sjá um skráningu á leikskýrslum og jafnframt mun hann vinna að því að uppfæra gagnagrunn KSÍ með því að skrá leikskýrslur í eldri mótum.
Gunnar Einarsson mun starfa að útbreiðslumálum og hafa yfirumsjón með knattþrautum KSÍ fyrir yngri kynslóðina. Hann mun ferðast um landið og kynna knattþrautirnar fyrir iðkendum og þjálfurum.
