Úrslitakeppni EM U21 karla hefst í dag
Í dag hefst úrslitakeppni landsliða U21 karla en keppnin fer fram í Svíþjóð að þessu sinni. Fyrsti leikur keppninnar hefst kl. 16:15 í dag en þá eigast við England og Finnland í Halmstad.
Seinni leikur dagsins er í sama riðli en þar mætast Spánn og Þýskaland en síðarnefnda þjóðin er einmitt einn af andstæðingum Íslands í riðlakeppni fyrir EM 2011. Í hinum riðlinum leika auk heimamanna í Svíþjóð, Hvíta Rússland, Serbía og Ítalía.
Íslendingum gefst kostur á að fylgjast með leikjum keppninnar í beinni útsendingu á heimasíðu UEFA án endurgjalds.
