Hitta þeir slána?
Í hálfleik á viðureign Íslands og Holland í undankeppni HM 2010, sem fram fer á laugardag, munu þrír heppnir vallargestir fá tækifæri til að spreyta sig í erfiðri þraut.
Þrír kappar voru dregnir út og heita þeir Guðmundur Guðbjörnsson, Magnús Edvardsson og Vigfús Þormar Gunnarsson. Allir hafa þeir staðfest mætingu og hafa æft stíft síðan haft var samband við þá.
Þrautin felst í því að spyrna knetti frá vítateigslínu með það fyrir augum að hitta þverslána. Hver og einn af þessum þremur fær aðeins eina tilraun, og vinningurinn ef það tekst er af glæsilegri tegundinni - ferð fyrir tvo til Bandaríkjanna með Icelandair!
Þessir þrír aðilar voru dregnir út af handahófi í gegnum forritaða keyrslu í miðasölukerfi Miða.is.
Aðeins var dregið úr seldum miðum, þannig að þeir sem fá miða eftir öðrum leiðum (heiðursstúka, fjölmiðlar, samstarfsaðilar KSÍ), voru ekki í pottinum.
.jpg?proc=760)
.jpg?proc=760)
