Miðar á Ísland - Holland fyrir handhafa A-passa
Handhafar A-passa frá KSÍ fá aðgöngumiða á leikinn Ísland - Holland afhenta miðvikudaginn 3. júní frá kl. 10:00 - 16:00. Miðarnir verða afhentir á skrifstofu KSÍ gegn framvísun skírteinis.
Möguleiki er að panta miða í síma 510-2900 á sama tíma, þ.e. þeir sem ekki komast að sækja miða á tilgreindum degi/tíma. Athugið að takmarkað magn af miðum er í boði á þennan leik.
Leikurinn við Holland fer fram á Laugardalsvelli, laugardaginn 6. júní og hefst kl. 18:45.
Þeir handhafar A passa sem mæta svo á völlinn eru auðvitað hvattir til þess að mæta bláir til leiks.
