Grasrótarnámskeið fyrir þjálfara 7. júní
Sunnudaginn 7. júní mun KSÍ standa fyrir Grasrótarnámskeiði fyrir þjálfara. Námskeiðið er opið öllum þjálfurum, en hentar mjög vel þjálfurum yngri flokka og kennurum og aðstoðarmönnum í knattspyrnuskólum félaga. Því eru félög sem starfrækja knattspyrnuskóla í sumar eindregið hvött til að senda kennarana og aðstoðarmenn þeirra á þetta námskeið og jafnframt aðra sem koma að starfi í knattspyrnuskólum.
Námskeiðið er átta tímar og telur upp í endurmenntun hjá UEFA B þjálfurum en þjálfarar sem eru með UEFA B þjálfararéttindi þufa að sýna fram á 15 tíma í endurmenntun á þriggja ára fresti til að viðhalda réttindunum.
Þátttakendur námskeiðsins sem þegar hafa lokið fyrstu tveimur stigunum í þjálfaramenntun hjá KSÍ fá afhenta sérstaka Grasrótarviðurkenningu KSÍ og UEFA að námskeiðinu loknu.
Námskeiðið er haldið í Fræðslusetri KSÍ í Laugardal. Það hefst kl. 9:00 og áætlað er að því verði lokið kl. 18:00. Þátttökugjald er 2.000 kr. og skráning er hafin. Hægt er að skrá sig með því að senda tölvupóst á dagur@ksi.is eða með því að hringja í síma 510-2977.
.jpg?proc=760){kind=logo}
