Glæsilegir Íslandsleikar Special Olympics
Íslandsleikar Special Olympics í knattspyrnu fóru fram síðastliðinn sunnudag og tókust þeir ákaflega vel. Umsjónaraðili leikanna var KR í samstarfi við ÍF og KSÍ. Íslandsleikar Special Olympics hafa undanfarin ár verið samstarfsverkefni ÍF og KSÍ en árið 2009 hófst samstarf ÍF og KSÍ við KR í þeim tilgangi að efla þátttöku fatlaðra í knattspyrnu.
Íslandsleikar Special Olympics eru haldnir í tengslum við knattspyrnuviku UEFA (Knattspyrnusamband Evrópu) en aðildarlönd Special Olympics í Evrópu standa fyrir slíkum leikum.
Grétar Sigfinnur Sigurðsson, leikmaður KR, sá um upphitun og Sveinn Jónsson, fyrrverandi formaður KR setti leikana.
Forseti Íslands, herra Ólafur Ragnar Grímsson og Geir Þorsteinsson, formaður KSÍ afhentu verðlaun. Í lok keppni bauð KR upp á grillaðar pylsur og gos.
Á leikum Special Olympics er skipt í jafna getuflokka. 2 lið frá Ösp, 2 lið frá Nes og sameiginlegtlið frá Suðra Selfossi /Gný frá Sólheimum, voru skráð í flokk getumeiri liða en eitt lið frá Ösp í flokk getu minni liða. Til að gefa þessu eina liði kost á að taka þátt voru mynduð 2 lið með þátttöku ungra leikmanna frá KR og var það mjög skemmtileg tilraun.
Úrslit urðu þau að Ösp 1 hlaut gullið og Ösp 2 og Nes 1 fengu silfur en liðin urðu jöfn að stigum. Önnur lið fengu brons en allir keppendur fá verðlaun á leikum Special Olympics.
Nánari úrslit má sjá hér.
.jpg?proc=760){kind=logo}
