Finnland færist nær!
Miðasala á keppnina er nú í gangi og fær KSÍ úthlutað ákveðnum fjölda miða á hvern leik íslenska liðsins, fyrst á leikina þrjá í riðlakeppninni og síðan í útsláttarkeppnina í framhaldi af því ef liðið kemst upp úr riðlinum. Miðaverð á hvern leik er 20 evrur.
Leikdagar í riðlinum eru 24. ágúst, 27. ágúst og 30. ágúst. Leikir Íslands fara fram í Tampere og Lahti.
Áhugasamir eru hvattir til að tryggja sér miða sem allra fyrst með því að senda tölvupóst á Ragnheiði Elíasdóttur hjá KSÍ - ragnheidur@ksi.is. Látið fylgja með nafn og símanúmer í tölvupóstinum. Vonandi sjá sem flestir sér fært að fara til Finnlands og upplifa drauminn með stelpunum okkar.
Ferðaskrifstofan TUI er helsti styrktaraðili keppninnar í Finnlandi og býður skrifstofan upp á ýmsa pakka í tengslum við keppnina. Nánari upplýsingar er á www.womenseurotravel.com.
