Vel heppnuð heimsókn til Noregs
Í vikunni fóru 11 einstaklingar frá KSÍ í heimsókn til norska knattspyrnusambandsins til að kynna sér stöðu mála í menntun þjálfara í Noregi. Ferðin var á vegum UEFA og þótti heppnast vel í alla staði. Hópurinn samanstóð af níu kennurum á þjálfaranámskeiðum Knattspyrnusambands Íslands, einum nefndarmanni í unglinganefnd karla og einum starfsmanni KSÍ.
Auk þess að sitja fyrirlestra var litið á æfingu hjá 13-14 ára strákum og stelpum hjá Skeid, horft á æfingu afreksunglinga hjá Stabæk og litið á nýjan heimavöll Stabæk, sem er stórglæsileg knattspyrnuhöll sem tekur rúmlega 15.000 áhorfendur í sæti.
Hópurinn mun á næstu dögum skila af sér greinargerð um ferðina og kynna þau mál sem vöktu hvað mesta athygli hópsins til viðkomandi nefnda KSÍ.
Eftirfarandi aðilar fóru í ferðina til Noregs:
- Arnar Bill Gunnarsson
- Freyr Sverrisson
- Guðni Kjartansson
- Gunnar Guðmundsson
- Janus Guðlaugsson
- Ólafur Kristjánsson
- Pétur Ólafsson
- Sigurður Helgason
- Sigurður Þórir Þorsteinsson
- Örn Ólafsson
- Dagur Sveinn Dagbjartsson
.jpg?proc=760){kind=logo}
