Fræðslufundur um dómgæslu og knattspyrnulögin
Þriðji fræðslufundurinn í fræðslufundaröð KSÍ verður haldinn í höfuðstöðvum KSÍ fimmtudaginn 7. maí kl. 16:00-18:00. Viðfangsefni þessa fræðslufundar eru breytingar á knattspyrnulögunum, áherslur dómara og dómaranefndar, verkefni dómara, framkoma á leikvelli o.fl., störf dómarastjóra.
Félögum sem undirgangast leyfiskerfi KSÍ er skylt að senda aðalþjálfara meistaraflokks karla, yfirþjálfara yngri flokka karla og fyrirliða meistaraflokks karla (eða varafyrirliða) á þennan fund, til að uppfylla forsendu K.04.
Framkvæmdastjórar félaga sem og aðrir áhugasamir forráðamenn eru jafnframt hvattir til að mæta.
Skráið þátttöku með því að senda tölvupóst á Þóri Hákonarson, framkvæmdastjóra KSÍ (thorir@ksi.is) þar sem fram kemur nafn viðkomandi þátttakanda og félag. Vinsamlegast tilkynnið þátttöku fyrir hádegi miðvikudaginn 6. maí.
Fræðslufundirnir eru teknir upp og myndband af þeim sett á heimasíðu KSÍ daginn eftir þannig að félög sem ekki hafa tök á því að senda fulltrúa á fundinn geta nýtt sér þann möguleika.
Félögum sem undirgangast leyfiskerfið er þó skylt að senda fyrrgreinda fulltrúa á fundinn.
Fræðslufundaröð KSÍ
Fundur 3 – Fimmtudaginn 7. maí kl. 16:00-18:00
Dagskrá
16:00 - Kynning
16:10 - Knattspyrnulögin, áherslur dómara, framkoma stjórnenda og starfsmanna o.fl.
- Gylfi Þór Orrason, formaður dómaranefndar KSÍ
17:00 - Skipulag dómaramála, hlutverk dómarastjóra o.fl.
- Magnús Jónsson, dómarastjóri KSÍ
17:40 - Fyrirspurnir og umræður
18:00 - Fundarlok
Nánari upplýsingar veita Þórir Hákonarson, framkvæmdastjóri KSÍ, og Ómar Smárason, leyfis- og markaðsstjóri KSÍ.
