Dregið í úrslitakeppni U19 kvenna 12. maí
Dregið verður í úrslitakeppni EM hjá U19 kvenna þann 12. maí næstkomandi og verður dregið í Minsk en úrslitakeppnin fer fram í Hvíta Rússlandi dagana 13. - 25. júlí. Ljóst er hvaða þjóðir leika í úrslitakeppninni en mótherjar Íslendinga úr milliriðlunum, Svíar, komast þangað með bestan árangur í 2. sæti.
Þjóðirnar sem leika í úrslitakeppninni eru: Ísland, England, Sviss, Þýskaland, Frakkland, Noregur, Svíþjóð og gestgjafarnir í Hvíta Rússlandi. Úrslitakeppnin í Hvíta Rússlandi er einnig undankepni fyrir HM U20 sem fer fram í Þýskalandi. Þangað fara fjórar efstu þjóðirnar úr úrslitakeppninni í Hvíta Rússlandi.
Núverandi handhafar titilsins, Ítalía, komust ekki í úrslitakeppnina að þessu sinni en Ítalir lögðu Noreg í úrslitaleik keppninnar 2008 en hún fór fram í Frakklandi.
.jpg?proc=760)
.jpg?proc=760)
