Leikur gegn Svíum í dag hjá U19 kvenna
Í dag leikur íslenska U19 ára stúlknalandsliðið annan leik sinn í milliriðli EM 2009 en leikið er í Póllandi. Íslenska liðið lagði Dani að velli 3-2 í fyrsta leik en í dag mæta þær Svíum og hefst leikurinn kl. 10:00 að íslenskum tíma. Ólafur Þór Guðbjörnsson gerir tvær breytingar á liðinu frá sigurleiknum gegn Dönum, Andrea Ýr Gústavsdóttir kemur inn í liðið í stað Katrínar Ásbjörnsdóttur, sem er meidd og Arna Sif Ásgrímsdóttir er búin að jafna sig á veikindum sem hrjáðu hana í leiknum gegn Dönum og kemur hún inn í liðið í stað Freyju Viðarsdóttur.
Byrjunarliðið (4-5-1):
Markvörður: Birna Berg Haraldsdóttir
Vinstri bakvörður: Thelma Björk Einarsdóttir
Hægri bakvörður: Berglind Bjarnadóttir
Miðverðir: Silvía Rán Sigurðardóttir og Mist Edvardsdóttir
Miðjumenn: Arna Sif Ásgrímsdóttir, Anna Þórunn Guðmundsdóttir og Elínborg Ingvarsdóttir
Hægri kantur: Andrea Ýr Gústavsdóttir
Vinstri kantur: Berglind Björg Þorvaldsdóttir
Framherji: Fanndís Friðriksdóttir fyrirliði
Síðar í dag leika heimamenn, Pólverjar gegn Dönum, og hefst sá leikur kl. 13 að íslenskum tíma.
