Ætlar þú á úrslitakeppni EM í Finnlandi?
Eins og kunnugt er leikur A-landslið kvenna í úrslitakeppni EM 2009, sem fram fer í Finnlandi í ágúst og september. Þetta er gríðarstór áfangi í íslenskri knattspyrnusögu, enda í fyrsta sinn sem íslenskt A-landslið í knattspyrnu leikur í úrslitakeppni stórmóts.
Miðasala á keppnina mun senn hefjast og fær KSÍ úthlutað ákveðnum fjölda miða á hvern leik íslenska liðsins, fyrst á leikina þrjá í riðlakeppninni og síðan í útsláttarkeppnina í framhaldi af því ef liðið kemst upp úr riðlinum. Miðaverð per leik er 20 evrur.
Leikdagar í riðlinum eru 24. ágúst, 27. ágúst og 30. ágúst. Leikir Íslands fara fram í Tampere og Lahti.
Áhugasamir eru hvattir til að tryggja sér miða sem fyrst með því að senda tölvupóst á Ragnheiði Elíasdóttur hjá KSÍ - ragga@ksi.is. Látið fylgja með nafn og símanúmer í tölvupóstinum. Vonandi sjá sem flestir sér fært að fara til Finnlands og upplifa drauminn með stelpunum okkar.
Áfram Ísland!
.jpg?proc=760)
.jpg?proc=760)
