U19 hópur kvenna valinn fyrir milliriðilinn
Ólafur Þór Guðbjörnsson, þjálfari U19 landsliðs kvenna, hefur tilkynnt leikmannahópinn fyrir milliriðil EM sem fram fer í Póllandi dagana 23. - 28. apríl. Átján leikmenn eru í hópnum. Undirbúningur liðsins fer fram í Egilshöll dagana 19. og 20. apríl og síðan er ferðast til Póllands 21. apríl.
Leikmennirnir 18 koma úr 9 félögum. Breiðablik, KR og Valur eiga hvert um sig 3 leikmenn í hópnum, en aðrir leikmenn koma frá FH, Grindavík, HK, ÍBV, Víkingi R. og Þór.
Liðin sem hafna í efsta sæti milliriðlanna 6 komast í úrslitakeppnina, sem fram fer í Hvíta-Rússlandi. Annað sætið gefur einnig möguleika á sæti í úrslitakeppninni, þar sem liðið með bestan árangur í 2. sæti milliriðlanna kemst einnig í úrslitakeppnina. Áttunda liðið í úrslitakeppninni eru svo gestgjafarnir.
.jpg?proc=760)
.jpg?proc=760)
