Lyfjaeftirlitsmál og misnotkun lyfja í íþróttum
Knattspyrnusamband Íslands tekur skýra afstöðu gegn allri misnotkun lyfja/efna og notkunar á bönnuðum aðferðum sem stuðla eiga að bættum árangri í íþróttum.
KSÍ leggur ríka áherslu á að knattspyrnan sé laus við lyfjamisnotkun (doping). Lyfjamisnotkun getur verið mjög skaðleg heilsunni, grefur undan íþróttahugsjóninni og hindrar keppni á jafnréttisgrundvelli.
Þurfi að nota lyf/efni af bannlista WADA er skilyrði að ekki sé hægt að nota önnur lyf sem ekki eru á bannlista. Undanþágu getur þurft að sæka um áður en meðferð hefst, eftir að meðferð hefst eða jafnvel einungis sé íþróttamaðurinn boðaður í lyfjapróf. Finnist hjá íþróttamanni við lyfjapróf lyf/efni sem eru á bannlista, eða ummerki um bannaða aðferð, getur það leitt til allt að fjögurra ára æfinga- og keppnisbanns.
Neysla fæðubótarefna getur verið varasöm og er neysla slíkra efna því alfarið á þinni ábyrgð. Íþróttamenn hafa fallið á lyfjaprófum eftir inntöku fæðubótarefna. Nýleg svissnesk rannsókn sýndi að talsvert af fæðubótarefnum sem keypt voru á netinu voru menguð með sterum og pro-hormónum sem eru bönnuð. Ekki er alltaf hægt að treysta því að öll innihaldsefni komi fram utan á pakkningum. Greinist bannað efni við lyfjapróf, eftir neyslu fæðubótarefna, er það alfarið á ábyrgð íþróttamannsins.
Hér á heimasíðu Knattspyrusambandsins má finna leiðbeiningar til knattspyrnufólks er varða lyfjamál.
.jpg?proc=760)
