Fyrsti fundurinn í fræðslufundaröð KSÍ 2009
Eins og kynnt hefur verið stendur KSÍ fyrir röð fræðslufunda í apríl, sem m.a. eru ætlaðir fyrir framkvæmdastjóra og aðra stjórnendur knattspyrnufélaga. Fyrsti fræðslufundurinn verður haldinn í höfuðstöðvum KSÍ þriðjudaginn 14. apríl kl. 16:00-18:00 (áður áætlaður miðvikudaginn 15. apríl).
Skráið þátttöku með því að senda tölvupóst á Þóri Hákonarson, framkvæmdastjóra KSÍ (thorir@ksi.is) þar sem fram kemur nafn viðkomandi þátttakanda og félag. Vinsamlegast tilkynnið þátttöku fyrir hádegi föstudaginn 10. apríl.
Ætlunin er að fræðslufundirnir verði teknir upp og myndband af þeim sett á vef KSÍ daginn eftir, þannig að félög sem ekki hafa tök á því að senda fulltrúa á fundinn geta nýtt sér þann möguleika.
Félögum sem undirgangast leyfiskerfið (efsta deild karla) er þó skylt að senda öryggisstjóra og fjölmiðlafulltrúa á fundinn, til að uppfylla forsendur S.04 og S.05.
Fræðslufundaröð KSÍ 2009
Fundur 1 – Viðburðastjórnun, öryggismál, fjölmiðlar og samstarfssamningar
Þriðjudaginn 14. apríl 16:00-18:00
Dagskrá
16:00 - Kynning
16:10 - Viðburðastjórnun
Framkvæmd leikja, þjónusta á leikstað, stjórnun.
- Ómar Smárason - leyfis- og markaðsstjóri KSÍ
16:30 - Öryggismál
Gæsla á leikvangi, öryggisþættir, öryggisstjóri.
- Ómar Smárason - leyfis- og markaðsstjóri KSÍ
- Víðir Reynisson - lögreglufulltrúi, öryggisstjóri Laugardalsvallar
17:00 - Fjölmiðlar
Samskipti og þjónusta við fjölmiðla á leikvangi.
- Ómar Smárason - leyfis- og markaðsstjóri KSÍ
- Hilmar Björnsson - sjónvarpsstjóri Stöðvar 2 Sports
17:30 - Samningar við samstarfsaðila
Hugmyndir að samstarfsaðilum, hvernig má laða að fyrirtæki til samstarfs o.fl.
- Ómar Smárason - leyfis- og markaðsstjóri KSÍ
- Þór Bæring Ólafsson - markaðsdeild VÍS
18:00 - fundarlok
Nánari upplýsingar um fræðslufundinn veita Þórir Hákonarson, framkvæmdastjóri KSÍ, og Ómar Smárason, leyfis- og markaðsstjóri KSÍ.
