Enn og aftur Frakkland!
Íslenska kvennalandsliðið dróst í sex liða riðil í undankeppni fyrir HM kvenna 2011 en úrslitakeppnin fer fram í Þýskalandi. Íslenska liðið mætir Frökkum enn einu sinni en þjóðirnar spiluðu saman í undankeppni fyrir EM 2009. Þjóðirnar eru svo einnig saman í riðli í úrslitakeppni EM í sumar.
Aðrar þjóðir í riðlinum eru: Serbía, Norður Írland, Króatía og Eistland.
Sigurvegarar riðlanna fara í aukaleiki og sigurvegararnir í þeim leikjum fara í úrslitakeppnina. Þau lið sem tapa í þessum leikjum fara aftur í aukaleiki og sigurvegari þeirra leikja leika enn aðra aukaleiki við CONCACAF um sæti í úrslitakeppninni.
Hægt er að sjá riðlaskiptinguna í heild hér.
Leikdagar Íslands hafa verið ákveðnir en eftir á að ganga endanlega frá staðfestingu þeirra.
2009
- 15. ágúst Ísland - Serbía
- 17. sept. Ísland - Eistland
- 24. okt. Frakkland - Ísland
- 28. okt. N. Írland - Ísland
2010
- 27. mars Serbía - Ísland
- 31. mars Króatía - Ísland
- 19. júní Ísland - N. Írland
- 23. júní Ísland - Króatía
- 21. ágúst Ísland - Frakkland
- 25. ágúst Eistland - Ísland
Eins og sjá má á þessum leikdögum þá leikur íslenska liðið einn leik í undankeppninni aðeins níu dögum áður en það leikur sinn fyrsta leik í úrslitakeppni EM í Finnlandi. Má því segja að fyrsti leikur undankeppni HM 2011 sé lokakaflinn í undirbúningnum fyrir EM 2009.
.jpg?proc=760)
.jpg?proc=760)
