Laugvetningar fræddir um Futsal
Á dögunum fóru starfsmenn mótadeildar KSÍ á Laugarvatn og fræddu þar nemendur Menntaskólans á Laugarvatni um töfra innanhússknattspyrnu - Futsal. Í Menntaskólanum stóðu yfir dagar sem kallaðir eru "Dagamunur" en þá spreyta menntaskólanemar sig á verkefnum sem alla jafna eru fyrir utan hið hefðbundna skólastarf.
Tæplega 30 nemendur mættu og kynntu sér Futsal og hinar einföldu reglur innanhúsknattspyrnunnar og á eftir var haldið í íþróttahúsið þar sem Futsal boltinn var óspart notaður.
Þessa dagana stendur einmitt yfir framhaldsskólamótið í Futsal og lýkur riðlakeppninni nú um helgina.
.jpg?proc=760)
