Leikið við Kína kl. 11:30
Ísland mætir Kína í leik um 5. sætið á Algarve mótinu en leikurinn hefst kl. 11:30 á morgun. Leikið er um öll sæti á mótinu en úrslitaleikurinn á milli Svíþjóðar og Bandaríkjanna hefst kl. 16:00.
Byrjunarlið Íslands verður kynnt síðar í kvöld en að öllum líkindum mun Margrét Lára Viðarsdóttir leika sinn 50. landsleik á morgun. Í leiknum gegn Bandaríkjunum lék Ólína G. Viðarsdóttir sinn 25. landsleik.
Ísland og Kína hafa einu sinni áður mæst í kvennalandsleik og var það einmitt þegar leikið var um níunda sætið á Algarve Cup 2007. Íslenska liðið fór á kostum í þeim leik og fór með, 4 - 1, sigur af hólmi.
Fylgst verður með leiknum gegn Kína á morgun, hér á síðunni.
