Fáklæddar kempur í fótbolta
Á dögunum fór fram knattspyrnuleikur innanhúss í Vodafonehöllinni sem Krabbameinsfélag Íslands stóð fyrir. Þarna mættust valinkunnar knattspyrnuhetjur, með landsliðsþjálfarann Ólaf Jóhannesson í broddi fylkingar, sem að mestu hafa lagt skóna á hilluna og yngri landsliðsmenn. Leikurinn markaði upphaf tveggja vikna átaks Krabbameinsfélagsins er nefnist "Karlmenn og krabbamein"
Á meðan lið yngri landsliðsmanna lék í hinum hefðbundnu landsliðsbúningum, þá voru kempurnar öllu fáklæddari en þeir léku berir að ofan klæddir bindi. Skemmtileg tilþrif sáust á vellinum og skemmtu sér allir vel, innan vallar sem utan.
Átakið "Karlmenn og krabbamein" stendur nú sem hæst og er hægt að fræðast meira um það á heimasíðunni: www.karlmennogkrabbamein.is.
Fréttatilkynning Krabbameinsfélagsins
.jpg?proc=760)
