Dregið í undankeppni HM 2011
Dregið verður í undankeppni UEFA fyrir HM kvenna 2011 17. mars kl. 13:30 á staðartíma í höfuðstöðvum UEFA. Úrslitakeppni HM fer fram fer í Þýskalandi sumarið 2011 og fá Þjóðverjar sjálfkrafa keppnisrétt sem gestgjafar.
UEFA á 4 sæti í úrslitakeppni HM og eitt lið til viðbótar hefur möguleika á að vinna sér sæti í gegnum aukaleiki við CONCACAF.
41 lið frá Evrópu taka þátt og leika þau í 8 riðlum, einum 6 liða riðli og sjö 5 liða riðlum.
Sigurvegarar riðlanna fara í aukaleiki og sigurvegararnir í þeim leikjum fara í úrslitakeppnina. Þau lið sem tapa í þessum leikjum fara aftur í aukaleiki og sigurvegari þeirra leikja leika enn aðra aukaleiki við CONCACAF um sæti í úrslitakeppninni. Leiðin í úrslitakeppnina getur því verið ansi löng.
Í 5 liða riðlunum verða 1 lið úr hverjum potti, í 6 liða riðlinum verða 1 lið úr styrkleikaflokki A, B, C og D en 2 úr styrkleikaflokki E.
A: Svíþjóð, Noregur, Danmörk, England, Frakkland, Rússland, Úkraína og Ítalía.
B: Finnland, Ísland, Spánn, Tékkland, Hollandi, Scotland, Írland og Pólland.
C: Sviss, Austurríki, Serbía, Hvíta-Rússland, Belgía, Grikklandi, Portúgal og Ungverjaland.
D: Slóvenía, Slóvakía, Ísrael, Wales, Rúmenía, N-Írland, Tyrkland og Búlgaría.
E: Króatía, Armenía, Bosnía-Herzegovína, Kazakhstan, Azerbaijan, Eistland, Malta, Makedónia og Georgía.
Samið verður um leikdaga strax eftir dráttinn, fyrsti leikur Íslands verður í september.
