63. ársþingi KSÍ lokið
Laust um kl. 15:00 lauk ársþingi KSÍ en þingið var haldið í höfuðstöðvum KSÍ. Geir Þorsteinsson var sjálfkjörinn formaður KSÍ til tveggja ára. Þá komu þeir Gylfi Þór Orrason og Róbert Agnarsson inn í stjórn KSÍ. Koma þeir í stað Stefáns Geirs Þórissonar og Þórarins Dúa Gunnarssonar sem gáfu ekki kost á sér til endurkjörs. Þau Guðrún Inga Sívertsen og Vignir Þormóðsson gáfu kost á sér til endurkjörs í stjórn KSÍ og voru sjálfkjörinn.
Í varastjórn KSÍ voru kosnir þeir Jóhannes Ólafsson, Sigvaldi Einarsson og Þórarinn Dúi Gunnarsson. Þeir Jóhannes og Sigvaldi voru í endurkjöri en Þórarinn kemur í stað Kjartans Daníelssonar sem gaf ekki kost á sér til endurkjörs.
Kosið var um aðalfulltrúa Suðurlands og voru þar tveir í framboði, þeir Einar Friðþjófsson og Tómas Þóroddsson. Einar hlaut 53 atkvæði á móti 49 atkvæðum Tómasar og verður Einar því aðalfulltrúi Suðurlands.
Aðalfulltrúi Austurlands verður Árni Ólason en hann tekur við af Guðmundi Ingvarssyni sem gaf ekki kost á sér til endurkjörs. Þá voru endurkjörnir þeir Jakob Skúlason, fyrir Vesturland og Björn Friðþjófsson fyrir Norðurland.
Sjá má aðrar fréttir af ársþinginu hér.
Mynd: Stjórn KSÍ. Efri röð frá vinstri: Þórir Hákonarson, framkvæmdastjóri KSÍ, Björn Friðþjófsson, Þórarinn Gunnarsson, Jóhannes Ólafsson, Jón Gunnlaugsson, Róbert Agnarsson, Luðvík Georgsson, Gylfi Orrason, Árni Ólason, Einar Friðþjófsson. Neðri röð frá vinstri: Rúnar Arnarson, Vignir Þormóðsson, Ingibjörg Hinriksdóttir, Geir Þorsteinsson, formaður KSÍ, Guðrún Inga Sívertsen, Jakob Skúlason og Sigvaldi Einarsson.
