Strákarnir mættir til La Manga
Íslenska karlalandsliðið mætir Liechtenstein í vináttulandsleik á La Manga og fer leikurinn fram á miðvikudaginn. Allur hópurinn er nú kominn á staðinn og var fyrsta æfing liðsins í dag.
Aðstæður eru hinar bestu á staðnum og veðurfarið er ekki síðra. Það var því glatt á hjalla á æfingu eins og þessi mynd hins sólbrennda búningastjóra, Björns Ragnars Gunnarssonar, ber með sér.
Leikurinn fer fram á miðvikudaginn, 11. febrúar, og hefst kl. 15:00 að íslenskum tíma.