Miðasala á Skotland - Ísland hafin
Í dag hófst miðasala á landsleik Skotland og Íslands í undankeppni fyrir HM 2010. Leikurinn fer fram á hinum glæsilega Hampden Park í Glasgow, miðvikudaginn 1. apríl næstkomandi.
Það er jafnan mikil stemning og gleði er fylgir skoska landsliðinu og er enginn svikinn af því að upplifa að fara á landsleik á Hampden Park.
Þjóðirnar hafa báðar hlotið fjögur stig í riðlinum, Skotar eftir þrjá leiki en Íslendingar eftir fjóra leiki. Það má því búast við hörkuleik og frábærri stemningu í Glasgow 1. apríl næstkoandi.
Íslendingum gefst kostur á að kaupa miða á leikinn hér á síðunni og kostar miðinn 4.500 krónur. Hægt er að sækja miðana á skrifstofu KSÍ eða láta senda þá heim en þá bætast við 1.000 krónur við í sendingakostnað.